Марий тувыра рӱдерын палемдымыж почеш, 1 июньышто Йошкар-Олаште, Национальный президент сымыктыш школышто, «Изи мӧр пеледыш» республик кӱкшытан йоча пайрем лиеш. Тудо Йочам аралыме тӱнямбал кечылан да шушаш Пеледыш пайремлан пӧлеклалтеш. Мероприятий 10 шагатлан тӱҥалеш.
Пайремым Марий тӱвыра рӱдер Марий Элын тӱвыра, печать да калык-влакын пашашт шотышто, Туныктыш да шанче министерствылажын, Йошкар-Оласе администрацийын управленийже, «Мер каҥаш» да «Российысе марий-влакын федеральный национально-культурный автономийышт» мер ушемлан полшымышт дене пырля эртара. Тушко йочасадыш коштшо да школышто тунемше-влакым (6-шо класс марте) ушнаш ӱжыт.
Ӱдыр-рвезым марий йомакысе талешке-влак саламлат, тыгак нуным тӱрлӧ модыш, «Шовын шӱвыроҥ» шоу вуча, концерт программат оҥай лийшаш. Оласе да районласе йоча коллективат мастарлыкыштым ончыктат.
«Изи мӧр пеледышыш» ушнаш кумылан-влак mari-centr@mail.ru электрон адресыш йодмашым колтышаш улыт. Лекше йодышым 8(8362) 45-88-51 телефон номер дене рашемдаш лиеш.
Л.ШАБДАРОВА.
