УВЕР ЙОГЫН

Изирак ийготан-влак ойыртемалтыныт

Марий Элын изирак ийготан-влак командыже «Лӱдыкшыдымылык школ» латнылымше всероссийский танасымаш гыч икымше вер дене пӧртылын.

Кокымышо ден кумшо верыш Москва ден Красноярский край гыч команде-влак лектыныт. Таҥасымаште Российын тӱрлӧ регионжо гыч 17 команде шке вийжым терген. Нуно утарыме пашаште, пӱртӱс лоҥгаште  илен лекмаште да икымше полышым пуымаште шке мастарлыкыштым ончыктеныт. Таҥасмыаш арня наре шуйнен. Сеҥыше-влакым саламлаш Россий МЧС вуйлатыше Владимир Пучков миен да икшыве-влакын сайын ямдылалтымыштым, профессиональный кӱкшытыш шумыштым  палемден. Вет участник-влаклан теорий да практике дене кылдалтше 60 наре заданийым шукташышт логалын.  Илен лекме маршрутым гына нуно кок кече жапыште эртеныт.

Кугурак  ийготан-влакын тӱшкаштышт  Ставрополь край гыч команде икымше верыш лектын. Москва ден Ханты- Мансийскысе округ гыч команде-влак кокымшо ден кумшо лийыныт.

С.Носова.

Снимкыште: В.Пучков Марий Эл гыч сеҥыше командым саламла.

Опубликовать в Одноклассники

Добавить комментарий