УВЕР ЙОГЫН

Идалыкын студентше

10 октябрьыште Йошкар-Олаште «Идалыкын студентше – 2018» конкурсын регионысо очный этапше эртен.

 25 еҥын пашажым ончен, очный ужашыш 12 ӱдыр-рвезым луктыныт. Кажныже шкеж да проектше нерген каласкален, эксперт комиссийын йодышыжлан вашештен. Жюри сеҥышым вич номинацийыште палемден. «Идалыкын творчестве личностьшо» номинацийыште торгово-технологический колледжыште тунемше В.Софронов сеҥышыш лектын. «Идалыкын общественникше» номинацийыште  торгово-технологический колледжын студентше Л.Темиргалиева ойыртемалтын. «Идалыкын спортсменже» Олимпийский резерв училище гыч Д.Симонов лийын. «Идалыкын профессионалже» номинацийыште Оршанкысе шуко профилян колледжын студенткыже А.Павлова икымше верым налын. «Идалыкын студентше» Гран-при дене Оршанкысе шуко профилян колледжын тунемшыже Е.Краснова палемдалтын.

Л.ШАБДАРОВА.

 

Опубликовать в Одноклассники

Добавить комментарий