УВЕР ЙОГЫН

«Зулейха шинчажым почеш»

Тыгай спектакльым 2 апрельыште 18 шагатат 30 минутлан М.Шкетан лӱмеш Марий национальный драме театрыште Башкортостан гыч М.Гафури лӱмеш академический драме театрын коллективше ончыкта.

Тиде постановко 2019 ийыште «Золотая Маска» Россий национальный театр премийын лауреатше лийын. Спектакльым театрын тӱҥ режиссёржо Айрат Абушахманов шынден, художник-постановщикше – Альберт Нестеров. Гузель Яхинан романже почеш  инсценировкым Я.Пулинович ямдылен.

«Зулейха шинчажым почеш» спектакльым Ярославль, Москва, Казань, Оренбург, Грозный, Иркутск, Санкт-Петербург, Ижевск, Ульяновск, Пермь… олалаште ончыктеныт.

1930 ий, теле. Кресаньык ӱдыр Зулейхам куснен толшо моло еҥ дене пырля, ырыкталтше вагоныш шынден, Сибирь кундемыш курымла дене каторгыш колтен шогымо корно дене ужатат. Пычкемыш кресаньык ден Ленинградысе интеллигент, мусульман ден христиан, Пӱртӱс юмылан кумалше ден Юмылан ӱшаныдыме, руш, башкир, татар, грузин, немыч, чуваш-влак – чылан нуно, илаш праван улмыштым ончыктен, Ангара эҥер воктене вашлийыт…

Спектакль башкир йылме дене эрта, но тыгодымак тудым руш йылмыш кусарат.

 

А.БАЙКОВА

Фотом Башкир театрын

архивше гыч налме

Опубликовать в Одноклассники

Добавить комментарий