УВЕР ЙОГЫН

Емыжым погаш чарак уке

Тенийсе идалык тӱҥалтыште чодыраште куэ вудым, емыжым, поҥгым погаш чарыме нерген увер шарлыш. Май пайрем жапыштат тидын шотышто интеретыште каҥашымаш  кайыш. Мутат уке, тидыже тыглай калыкыште умылыдымашым лукто. А погымо поҥгын 1,5 сантиметр деч кугу лийшаш огыл нерген уверже поснак чодыра арендатор-влакым кожгатыш. Сандене рашемдаш йодам: чынак мо тыглай калыкланат емыж ден поҥгым погаш чарат?

 А.Захарова.

 Морко район.

 Йодышлан Марий Элын Пӱртӱс поянлык, экологий да йырым-йырысе средам аралыме шотышто министерствын пресс-службыжо пуэн:

 — Россий Пӱртус поянлык да экологий министерствыште тыгай увер чын огыл манын пенгыдемден. Тыглай граждан-влаклан чодыра емыж ден саскам погаш нимогай чарак огеш лий. Шке кулешлан нуно кочкаш йӧрышӧ емыжым мыняр шонат, тунар поген кертыт. Южо регионышто уло ты шотышто икмыняр чарак, ноМарий Элым тиде ок тӱкӧ. 2021 ий 1 январьыште пурышо «Кочкаш йӧрышӧ чодыра ресурсым ямдылыме да  эмлык шудым погымо правил-влак»  тыгак «Пу гыч огыл чодыра поянлыкым ямдылыме да погымо правил-влак» лачшымак предприниматель-влакын пашаштым гына виктарат.

 С.Носова

 

Опубликовать в Одноклассники

Добавить комментарий