Йошкар-Оласе медицине колледжын театр студийже эше ик награде дене палемдалтын.
Преподаватель ден студент-влакын усталык коллективышт Санкт-Петербургышто эртыше «Дарование» тӱнямбал фестиваль-конкурсышто лауреатын 1-ше степенян дипломжым сеҥен налын.
Колледжын у наградыже – Н.Гогольын «Мёртвые души» поэмыж почеш шындыме спектакльлан.
Театр студий 2013 ий годсек пашам ышта. Тушто преподаватель ден студент-влак заниматлалтыт, а режиссёр-постановщиклан тунемме заведенийын директоржым алмаштыше Ольга Козлова тырша.
Самодеятельный артист-шамыч ий еда у спектакльым ямдылат, молан манаш гын иктышт, колледжым тунем пытарен, кӱшыл шинчымашым налаш але профессийыштлан келшыше пашашке каят гын, весышт студент радамыш шогалыт веле. Студийыште поснак кугу тӱткыш классикылан ойыралтеш – Пушкинын, Фонвизинын, Чеховын, Гогольын, Островскийын произведенийлашт гыч образ-влак сценыште угыч да угыч ылыжыт.
Артист-шамыч медколледж деч посна эше Республиканский йоча клинический больницыште, Республиканский психиатрический эмлымверыште, С.Г.Чавайн лӱмеш национальный библиотекыште, Йошкар-Оласе строительный техникумышто, Технологический колледжыште, Йошкар-Оласе художественный училищыште да моло площадкыште постановкым ончыктеныт.
М.ИВАНОВА Диплом дене палемдалтын
Йошкар-Оласе медицине колледжын театр студийже эше ик награде дене палемдалтын.
Преподаватель ден студент-влакын усталык коллективышт Санкт-Петербургышто эртыше «Дарование» тӱнямбал фестиваль-конкурсышто лауреатын 1-ше степенян дипломжым сеҥен налын.
Колледжын у наградыже – Н.Гогольын «Мёртвые души» поэмыж почеш шындыме спектакльлан.
Театр студий 2013 ий годсек пашам ышта. Тушто преподаватель ден студент-влак заниматлалтыт, а режиссёр-постановщиклан тунемме заведенийын директоржым алмаштыше Ольга Козлова тырша.
Самодеятельный артист-шамыч ий еда у спектакльым ямдылат, молан манаш гын иктышт, колледжым тунем пытарен, кӱшыл шинчымашым налаш але профессийыштлан келшыше пашашке каят гын, весышт студент радамыш шогалыт веле. Студийыште поснак кугу тӱткыш классикылан ойыралтеш – Пушкинын, Фонвизинын, Чеховын, Гогольын, Островскийын произведенийлашт гыч образ-влак сценыште угыч да угыч ылыжыт.
Артист-шамыч медколледж деч посна эше Республиканский йоча клинический больницыште, Республиканский психиатрический эмлымверыште, С.Г.Чавайн лӱмеш национальный библиотекыште, Йошкар-Оласе строительный техникумышто, Технологический колледжыште, Йошкар-Оласе художественный училищыште да моло площадкыште постановкым ончыктеныт.
М.ИВАНОВА
