Тиде арнян элна мучко всероссийский донор марафон эрта. Тудо Российын кечыжлан да Донорын тӱнямбал кечыжлан пӧлеклалтын.
Палемдыме мероприятий кышкарыште Республиканский вӱрым налме станций ОНФ-ын Молодёжкыжын чолга еҥже да волонтёр-медик-шамыч дене пырля «Донор лийын код» акцийым эртарен.
Вӱр республикысе медицине организаций-влаклан ончычсо семынак моткоч кӱлеш, сандене станций донор-влакым тугакак вуча. Процедур чыла санитарно-эпидемиологический йодмаш дене келшышын эртаралтеш: вӱрым налме деч ончыч донорын капкыл температуржым висат, маскым пуат, социальный дистанцийым кучаш йӧным ыштат, дезинфекцийым эртарат.
9 июньышто станций донорство дене кылдалтше викториным эртарен. Йодыш-влаклан чын вашештыше-шамыч призым налыныт. Пӧлек деч посна нигӧ кодын огыл: донор-влакланат вӱрыштын группыжым ончыктышо значокым кучыктымо.
М.ИВАНОВА
