УВЕР ЙОГЫН

«Воскресений» кычалше отряд у еҥ-влакым пога

Марий Кугыжаныш университетын «Воскресений» кычалше отрядше икымше курсышто тунемаш тӱҥалше-влак коклаште у еҥ-влакым пога. 

Студент-влакын отрядышт тений августышто Новгородский область Демянский район Пеньково ялыште «Йӱдвел-Касвел фрон» тӱнямбал экспедицийыште лийын. Кок арня жапыште отрядын боецше-влак командир Петр Бусыгинын вуйлатымыж почеш Кугу Отечественный сарыште кредалме верлаште кычалме пашам шуктеныт. Чылаже Шарнымаш вахтыш Российысе да лишыл йотэлласе кычалше отряд-влакын 400 утла еҥышт шогалын. Делегацийыште тыгак Марий Эл гыч Волжскысо «Защитник» кычалше отряд лийын.

Экспедиций жапыште 147 боецын капоражым муыныт да тоеныт, кудытшын лӱмыштым пален налын кертыныт.

«Воскресений» кычалше отряд самырык-влакын «Таврида» Всероссийский образовательный форумыштышт кум гана сеҥышыш лектын. Тудо 12 экспедицийыште лийын. Студент-влак Россий Обороно министерствын медальже дене наградитлалтыныт.

А.АНДРЕЕВ.

Опубликовать в Одноклассники

Добавить комментарий