Волжск оласе рӱдӧ эмлымверыште Ешын тӱнямбал кечыжлан пӧлеклалтше спорт-жапым веселан эртарыме мероприятий лийын.
Пайремыште эмлымверын пашаеҥже-влак ешышт дене участвоватленыт. Эн изи участниклан улыжат ик ий лийын. Еш команде-влак велосипед дене кудалыштын, баскетбол дене модын, корзиҥгашке кагаз чумыркам кышкен да монь таҥасеныт. Мурен-куштымашкат рӱжге ушненыт.
Мероприятийым «Волжск оласе рӱдӧ эмлымвер» кугыжаныш бюджет тӧнежын первичный профсоюз комитетше организоватлен.
М.ИВАНОВА.