ЭКОНОМИКЕ

Вияш кылын пайдалыкше

Электросетьыште технологий кӱрылтыш лийме але тулым план почеш йӧртымӧ нерген республикыште илыше-влаклан жапыштыже увертарен шогышашлан «Рӱдӧ да Юл кундем Россеть Мариэнергошто» контакт-рӱдерын телефонжо пашам ышта.

Яра ыштыше 8-800-220-0-220 федерал номер дене йыҥгыртен, электровийым пуэн шогымо, сетьыш технологически ушымо да республикысе электросеть компанийын  пашаж дене кылдалтше моло йодышым рашемдаш лиеш. Контакт-рӱдерын тӱҥ шонымашыже – компанийын услугыж дене пайдаланыше-влак дене вияш кылын пайдалыкшым нӧлталаш.

«Рӱдӧ да Юл кундем Россетьын» корпоративный сайтыштыже https://www.mrsk-cp.ru/for _consumers/no_light/who_to_call/filial-marienergo/ адрес дене «Тул йӧрен гын, куш йыҥгырташ?» разделыште «Мариэнергон» обслуживатлыме илемла еда келшен толшо телефон-влак ончыкталтыныт.

«Мариэнергон» Потребитель-влакым обслуживатлыме Йошкар-Оласе офисышкыже 68-12-64 да контакт-рӱдерыш кечыгут яра ыштыше 8-800-220-0-220 телефон дене йыҥгыртыме деч посна тыгак компанийын https://www.mrsk-cp.ru официальный сайтыштыже сервис полшымо дене йодмашым пуаш да WhatsApp ден Viber-ыште 8(920)05-05-777 телефон дене уверым пален налаш лиеш.

Ю.ИСАКОВ

Опубликовать в Одноклассники

Добавить комментарий