Кугу Отечественный сарын ветеранже-влаклан келшен толшо илыме верым ситарашлан 1 млрд. утла теҥгем ойырат. Тидын нерген распоряженийыш Россий правительстве председатель Михаил Мишустин кидпалыжым 12 октябрьыште пыштен.
Оксам 65 регионыш колтат. Эн кугу траншым Санкт-Петербург, Ростов область да Башкортостан Республик налыт. Ешартыш финансирований 607 ветеранлан у пачерыш куснаш полша.
Правительствын 8 октябрьыште эртыше заседанийыштыже Михаил Мишустин распоряжений дене кылдалтше пашам 2020 ий мучаш марте ыштен шукташ кӱштен.
Апрельыште Россий правительстве тиде цельлан 350 утла млн. теҥгем ойырен, да 200 утла ветеран илыме веран лийын.
М.ИВАНОВА
