Республикыштына у коронавирус инфекций дене кылдалтше сӱрет нелемын толеш. Регионысо 9 инфекционный стационарыш эмлалташ пыштыме черле-шамычын чотышт кечын кугемеш. Тидымак шотыш налын, октябрь тӱҥалтыште Сар-влакын ветераныштын республикысе клинический госпитальыштышт ковидный манме пациент-влаклан 65 койкым келыштарыме ыле, а 14 октябрьыште эше 40 койкым ешарыме. 15 октябрь эрдене тысе 105 койко гыч 68 койкыштыжо черле-влак киеныт, тиде чот гыч 41 пациент неле состоянийыште лийын.
Оршанке районысо рӱдӧ больницым тӱрыснек коронавирусан пациент-шамычлан медицине полышым пуаш келыштарыме. Ончыч 90 койкым почмо ыле гын, кызыт эше 10 верым ыштыме.
Звенигово районысо рӱдӧ да Козьмодемьянск район-влак кокласе больницылаштат 10 койко дене ешарыме.
Иктешленрак каласаш гын, республикысе инфекционный стационарлаште COVID-19 дене инфицироватлалтше да у коронавирус инфекций дене черланен кертыныт манын шонымо пациент-влаклан медицине полышым пуаш 987 койкым келыштарыме.
Оршанке районысо рӱдӧ больницым тӱрыснек коронавирусан пациент-шамычлан медицине полышым пуаш келыштарыме. Ончыч 90 койкым почмо ыле гын, кызыт эше 10 верым ыштыме.
Звенигово районысо рӱдӧ да Козьмодемьянск район-влак кокласе больницылаштат 10 койко дене ешарыме.
Иктешленрак каласаш гын, республикысе инфекционный стационарлаште COVID-19 дене инфицироватлалтше да у коронавирус инфекций дене черланен кертыныт манын шонымо пациент-влаклан медицине полышым пуаш 987 койкым келыштарыме.
М.ИВАНОВА
