8, 9 февральыште Ульяновскышто «Новая Кооперация» лӱман форум лиеш.
Тудо элнан тӱрлӧ кундемже гыч 800 наре участникым чумырышаш. Марий Эл Республик гыч тушко Шернур, Морко райпо ыштен лукмо продукцийыштым наҥгаят, выставкыш луктыт. Тиддеч посна Марпотребосюзын пашаеҥже-влакат тора корныш тарванат.
Мероприятийыш ушнышо-влакым Морко район Шеҥше культур пӧрт пеленсе «Ӱжара» фольклор ансамбль марий муро, куштымаш дене куандара.
А.Байкова.
