Кужэҥер посёлкысо тоштер да ончер рӱдерыште «Мый тиде мландым шочмо кундемем манам» экспозиций пашам ышта.
Тудо Кужэҥер районым ыштымылан 83 ий теммылан пӧлеклалтын. Ончерыште монастырь комплексым ыштыме да вияҥдыме нерген стенд, школын, районысо эмлымверын да моло организаций ден предприятийын летописьышт улыт. Экспозицийым посёлкысо да районысо школлаште тунемше ӱдыр-рвезе-влак поснак куанен ончат.
Тоштер пашаеҥ-шамыч калыклан кажне стенд шотышто оҥай экскурсийым ямдыленыт. Ончер март йотке пашам ышта. Тушко кумылан чыла еҥ толын кертеш.
М.ИВАНОВА.
