Кужэҥер район администрацийым вуйлатыше С.Михеев, «Самырык еш» кугыжаныш программын «Россий Федерацийын гражданже-влаклан налаш лийме, комфортан илыме верым да коммунал услугым ситарыме» подпрограммыж дене келшышын, ныл самырык ешлан «Илыме верым налаш але шке пӧртым чоҥаш социальный выплатылан права нерген» свидетельствым торжественно кучыктен.
2006-2016 ийлаште тыгай сынан социальный выплатым районышто 99 самырык еш налын. Тидлан чумыржо 48311727 теҥге ойыралтын.
2014 ий 1 январь гыч социальный выплатым эн ончычак кум да тылеч утларак шочшан еш-влаклан ойыраш тӱҥалме.
Таче илыме верым налаш да шке пӧртым чоҥаш шонышо кум шочшан ешлан 1025545,5 теҥге кугыт субсидий ойыралтеш.
Кужэҥер районышто кызыт 221 самырык еш субсидийым налаш черетыште шога.
М.ИВАНОВА.
