УВЕР ЙОГЫН

Вашталтыш: Пеҥгыдынрак йодаш тӱҥалыт

Водитель правам пуымо да вашталтыме, тыгак автошколлаште тунемме шотышто октябрьыште вашталтыш-влак илышыш пуреныт. 

МВД-н регламентше дене келшышын, Российысе да тӱнямбал правам шуко функциян рӱдер (МФЦ) гоч уэш ышташ да вашталташ 15 паша кече пуалтеш. Тыгодым фотографийым туштак ыштыкташ лиеш.

Ончыч удостоверенийым йомдарыме годым тоштышто могай срок палемдалтын, тугайымак возеныт гын, кызыт у правам налме годым ты жапым эше 10 ийлан шуяш лиеш. Тидлан медицине справкым веле налман да ГИБДД-ш намиен пуыман.

Тыгодымак автошколышто тунем лекме деч вара правалан сдатлыме процедурым у регламент пеҥгыдыракым ыштен. Эн ончычак, водительлан тунем лекме нерген свидетельствым да медицине справкым Российын вес регионыштыжо але олаштыже пуымо гын, нуным тергышашлан ГИБДД-н уполномоченный инспекторжо-влак тушко йодмашым колтат.

Весе. Автошколын курсантше шеҥгеке чакныме дене кылдалтше упражненийым экзаменыште икымше гана гычак сайын ыштышаш.

Мотоцикл дене кудалыштше-влак шотыштат вашталтышым пуртеныт. «Скоростное маневрирование» упражнений але марте факультативный веле лийын гын, ынде экзаменышкак пуртымо.

Л.Камалетдинова.

Опубликовать в Одноклассники

Добавить комментарий