Тений ӱдырем школыш тунемаш кая. Мемнан деч кызытак учебник ден паша тетарадьлан оксам йодыт. Тидым закон дене келшышын ыштат мо?
О.ДМИТРИЕВА.
Йодышлан республикысе Образований да науко министерствын пресс-службыштыжо вашештеныт:
— Закон дене келшышын, школ тунемше-влаклан книгам, паша тетрадьым, моло тунемме пособийым яра ойырышаш, тыгак у тунемме ийлан кабинетым ямдылен, олмыктен шуктышаш. Оксам федеральный але регионысо бюджет гыч ойырат. Тыгодым каласыман, федеральный спискыш пурышо учебникым гына яра пуат, а моло литературлан бюджет гыч шийвундым огыт ойыро.
Л.ШАБДАРОВА.