Звенигово олаште ««Опекунство и приемные семьи: история, проблемы, перспективы» темылан пӧлеклалтше «йыргешке ӱстел» эртен.
Тушко йоча-влакым ашнаш налше ача-ава, тӱвыра да образований учрежденийла, опеке да попечительстве органла гыч пашаеҥ-влак чумыргеныт.
Муниципал образований вуйлатыше Н.Козлован палемдымыж почеш, икшывым ашнаш налше еш-влакын чотышт кушкеш, сандене нунылан юридически, моло семынат полшен кертше площадке-влакым ыштыман, ешын кӱлешлыкшым умылтарыман, тудым чапландарыман.
Мероприятий мучаште Марий Эл Кугыжаныш Погынын депутатше С.Мухлыгина ача-ава-влаклан Тауштымашым да пӧлекым кучыктен.
Л.Камалетдинова.
