УВЕР ЙОГЫН

Ача-ава деч посна — ок лий

Йошкар-Олаште илена. Кеҥеж каныш жапыште йоча-влак 10 шагат кас марте огыл, 11 шагат мартеат уремыште лийын кертыт маныт. Тыгак мо?

Е.Севрюгина.

Йодышлан Йошкар-Оласе прокурорын кугурак полышкалышыже Анна Гудова вашештен:

 — Кеҥеж каныш жаплан Йошкар-Оласе прокруатурышто «Шокшо линий» пашам ышта. Тидыже ийготыш шудымо-влакын праваштым аралыме дене кылдалтын. Сандене прокуратур пашаеҥ-влак ача-ава, туныктышо да тыгак ийготыш шудымо-влак деке икшыве-влакым тӱрлӧ группировкыш ушнаш кумылаҥдыме факт-влак нерген шижтараш йодыт. Мутлан, тендан йочалан  кугурак ийготан-влак полшаш да арален налаш темлымашым ыштат гын;

—  икшывыдан ача-аваже, йолташыже-влак нерген утларак пален налаш тыршат гын;

— оксам йодыт гын;

— тендан икшывын йолташыже лектын, но тидын нерген тудо каласкалаш ок вашке гын;

— йочадан телефонышкыжо палыдыме але шагал палыдыме еҥ-влак чӱчкыдын йыҥгыртат гын.

Тыгай факт-влакым шекланенда гын, шочышда дене мутланен налза да прокуратурыш 9 шагат эр гыч 18 шагат кас марте йыҥгыртен кертыда. Телефон номер тыгай: 56-58-27 (приемный); 45-16-22 (Йошкар-Оласе прокурорын кугурак полышкалышыже Анна Олеговна Гудова).

«Икшыве-влакын законный интересышт ден праваштым аралыме шотышто посна отношенийым регулироватлыме нерген» Марий Эл Республикын Законжо дене (10.05.2011) келшышын, 18 ийыш шудымо икшыве-влак йӱдым (22 гыч 6 шагат эр марте, а кеҥежым 1 июнь гыч 31 август марте 23 гыч 5 шагат эр марте) ообщественный верлаште, тыгак уремыште, стадионышто, паркыште, скверыште, транспорт средствыште, Интернет дене пайдаланаш йӧным пуышо, тыгак торговльо да общественный питаний дене кылдалтше предприниматель пашам шуктышо юридический лицан але юридический лица деч посна граждан-влакын  объектлаштыже, кушто закон почеш аракам ужалаш лиеш, ача-ава дене  але нуным алмаштыше да йочан социальный адаптацийжылан, социальный реабилитацийжылан полшышо, образований, воспитаний, тазалыкым аралыме, социальный аралымаш да обслуживатлымаш дене кылдалтше мероприятийым эртарыше дене гына лийын кертыт. Йӱдым икшыве законный представитель деч посна лиеш гын, ача-авам административно мут кучаш шогалтат.

С.Носова ямдылен.

 

Опубликовать в Одноклассники

Добавить комментарий