Пайрем вашеш Марий Элын Тазалыкым аралыме министерствыжын полшымыж дене Йошкар-Оласе медицине колледжыште Тазалык арня эртен.

1 апрельыште регионысо профессиональный образований организацийлаште тунемше-влак республик кӱкшытан «Таза лияш сай» IX проект конкурсышто шинчымашыштым тергеныт. Тыгаяк конкурс регион-влак кокласе кӱкшытыштӧ заочно эртен. 2 апрельыште Марий Элысе школ деч ончычсо да общеобразовательный организаций-влак коклаште республик кӱкшытан Тазаҥдыме программе конкурс шымше гана лийын, 3 апрельыште – «Тазалыкын туныктышыжо – 2019» III республиканский конкурс, 3-5 апрельыште – Тазалыкым аралыме тӱнямбал кечылан пӧлеклалтше баскетбол да волейбол дене регион-влак кокласе турнир. 4 апрельыште Юл кундем федеральный округысо кокла медицине да фармацевт шинчымашым пуымо тӧнеж-влак коклаште «Таза илыш-йӱлам ойырен налам» волонтёр агитаций бригаде-шамычын регион-влак кокласе V видеоролик конкурсышт заочно эртен.  А таче медколледжыште регион-влак кокласе кӱкшытан «Таза илыш-йӱла – жапын кӱштымашыже»  XIV научно-практический конференций пашам ышта.

М.ИВАНОВА