Могай амаллан кӧра тунемшым школ гыч луктын колтен кертыт?
Е.Морозова.
Йошкар-Ола.
Йодышлан Медведево районысо прокурорын полышкалышыже С.Захарова вашештен:
— «РФ-ште образований нерген» федеральный законын 61-ше статьяж дене келшышын, йочам школ гыч образованийым налмекыже да тунеммашым жап деч ончыч мучашлымеке (вес школыш куснымо годым, образовательный программым ок умыло да тунемме планым ок шукто, школыш тунемаш налме радам пудырталтын, школ петыралтын да молат) гына луктын колтен кертыт. Тиде закон дене келшышынак, образовательный организаций гыч тудын уставшым, кӧргысӧ распорядкыжым, тӱшкагудышто да интернатыште илыме правилым, тыгак образовательный пашам шуктымо дене кылдалтше моло локальный нормативный актым пудыртымылан але шуктыдымылан дисциплинарный взысканий мере семын луктын колтен кертыт.
Тунемшым школ гыч тыгай случай годым луктын колтен огыт керт:
1) икшыве 15 ийыш шуын огыл;
2) школ деч ончычсо, тӱҥалтыш общий образований дене кылдалтше образовательный программе почеш тунемеш;
3) тазалык шотышто начар икшывылан шотлалтеш (психический вияҥмашыже начар да вуйуш ситыдымаш дене кылдалтше моло формо палдырна);
4) черле, каникулышто, академический отпускышто, азам ыштыме да тудым ончымо дене кылдалше отпускышто шинча гын;
5) закон дене келшышын, тунемше шотышто ончычсо дисциплинарный взысканий мерым палемдыме пагыт лектын да (але) палемдыме радам дене тудым кораҥдыме.
С.Носова.
