Коронавирус дене кылдалтше ситуацийын мониторингше шотышто увер рӱдерын 23 июльысо данныйже почеш, Марий Элыште COVID-19 деч колымо чот кугужак огыл — 0,86 процент. Тиде показатель Юл кундем федеральный округысо деч 0,21 процентлан да Российысе деч 0,72 процентлан шагал.
Юл кундем федеральный округысо моло регионым ончалаш гын, у коронавирус инфекций деч колымо чот ончычсо семынак Пермь крайыште кугу – 2,33 процент, эн изи – Башкортостан Республикыште (0,32 процент).
М.ИВАНОВА
