УВЕР ЙОГЫН

Чапле корнылан кузе от куане?!

Шернур районышто тӱрлӧ вере корным тӧрлатат, чоҥат.

Дорожник-влак Лажъялыште Молодежный уремыште асфальтым шареныт. Кызыт специалист-шамыч Горнякыште корным шотыш кондат.

Тыгак кок ялым — Изи Торешкӱвар ден Кугу Торешкӱварым – ушышо кӱварым да ты ужашыште автомобиль корным ыштыме паша чулымын кая. Кӱвар тӱҥ шотышто ямде, но тушко эше асфальтым шарыме огыл, сандене кудалышташ але чарыме. Паша лишыл жапыште мучашлалтшаш.

Шернур район администрацийын палдарымыж почеш, тений чылаже шым илемыште корным шотыш кондышаш улыт.

Л.КАМАЛЕТДИНОВА

Фотом соцкыл гыч налме

Опубликовать в Одноклассники

Добавить комментарий