ПЕНСИЙ СОЦИАЛ ИЛЫШ

Титаканже… шошо вӱдшор

Пенсийым пуымо графикыш лачшымак тудо вашталтышым пуртен.

Шошо толмо, корнысо лум, ер ден эҥерласе ий шулымо да вӱд шарлыме дене Марий Элысе южо кундемыш корно йӧршын гаяк петырна. Тидлан кӧра пенсионер-шамыч окса деч посна ынышт код манын, Российын почтыжо апрельыште пенсийым тӱлымӧ графикым вашталтен.

Тудын дене келшышын, Звенигово районысо Липша почто кылын пӧлкаже 5, 7 да 9 апрельыште пуышаш пенсийым 2 апрельыште тӱла, Чёрное Озеро почто кылын пӧлкаже тиде кечынак 6, 7, 8, 11, 13, 15 да 18 числалан пуа.

Юрино районысо Никольская Слобода, Кугай, Растегаиха, Александрово да Абросимово яллаште илыше-влаклан пенсийым 8 апрельыште огыл, а 2 апрельыште тӱлат.

Марий Турек районысо Верхний Мир, Новый Мир да Болгары яллашке пенсийым 3, 5 да 7 апрельлан тылзын кокымшо кечынже кондат.

Морко районысо Комсомольский посёлкышто илыше-влакын 14 апрельыште налшаш пенсийыштымат 2 апрельыште пуат. 

М.ИВАНОВА

Опубликовать в Одноклассники

Добавить комментарий