Марий Эл Республикын правительствыштыже кок да утларак йочан еш-влаклан льготан ипотеке кредитований программым илышыш пуртымо шотышто совещаний лийын.
Ипотекым кызытеш 2018 ий 1 январь гыч 2022 ий 31 декабрь марте шочшо кокымшо але кумшо йочан еш-влаклан гына субсидироватлат.
Банк-влак нунылан 6% кугытан ипотеке займым пуат. Стандарт ставке кокласе ойыртемым, а тудыжо кокла шот дене 10-12 процентыш шуэш, кугыжаныш пӧртылташ тӱҥалеш. Тидын дене еш-влак займын идалыкаш ставкыж гыч 4-6 процентым аныклен кертыт.
Кугыжаныш ипотекым тынар жап субсидироватла:
- кок йочан ешлан – 3 ий,;
- кум йочан ешлан – 5 ий;
- 2018-2022 ийлаште шочшо кокымшо да кумшо йочан ешлан – 8 ий.
Субсидирований дене у илыме верым налме але улшо ипотекым рефинансироватлаш кӱлмӧ годым веле пайдаланаш лиеш.
М.ИВАНОВА.