18 сентябрьыште Марий Элыште профсоюзыш ушнышо самырык ӱдыр- рвезе-влак кажне ийын эртарыме форумыш чумыргат, но тыглай огыл, онлайн форматыште.
Эпидемийлан кӧра тудым лач тыге эртараш пунчалыныт. Тушто пагытын йодмыжым шотыш налын, самырык-влак коклаште пашам ворандарыме дене кылдалтше йодыш-влакым каҥашаш тӱҥалыт. Форумыш тыгак республикыште палыме спикер-влакым ӱжыт, нуно оратор мастарлыклан, лидер койышлан, шке вийым кучылт мошташ туныкташ тӱҥалыт. Тыгак самырык-влак шке тунемме,
пашам ыштыме организацийлаште профсоюз активым чумырымо дене кылдалтше шинчымашым налыт.
С.НОСОВА
