19 декабрьыште Сарын ветеранже-влакын республикысе клинический госпитальыштышт Йошкар-Оласе медицине колледжын эн сай студентше-шамычлан именной стипендийын сертификатшым торжественно кучыктеныт.
2012 ийыште кажне тыгай стипендийлан республикысе кумдан палыме врач ден тазалыкым аралыме аланын виян организаторжо-влакын лӱмыштым пуымо.
Кодшо тунемме ийым иктешлыме почеш, эн сай семын 17 студентым – ончыкылык медсестрам, фельдшерым, фармацевтым – палемдыме. Ынде нуно стипендийышкышт 2 тӱжем теҥге ешартышым тылзе еда налаш тӱҥалыт.
М.ИВАНОВА.