Кӱртньыгорно билетым пӧртылтымӧ годым тудын акшым ынде тӱрыс шӧрат манын шоктен. Чын мо?
В.Мочалова
Йошкар-Ола.
Йодышлан Медведево прокурорын полышкалышыже О.В.Бахтина вашештен:
— Тений 1 январь гыч тора верлаш коштшо поездла дене кудалышташ ужалыме билетым пӧртылтат гын, тудым угыч ужалат. А билетым налше тудым пӧртылта гын, акшым садак эреж годымак огыл тӱрыс налын кертеш. Билетын тӱрыс акшым тыгай случай годым веле шӧрат:
— пассажир трукышто черланен але пырля кайышыже тудынак ешыж гыч (пелашыже, ача-ачваже (ончаш налше) але йочаже (ончаш налме)) лиеш гын;
— несчастный случай лиймылан кӧра пассажир шкеже травмым налын але ешыж гыч иктажше колен гын, но тидым ҥ, але билетыште ончыктымо верым пассажирлан огыт пу гын.
Пассажир тора корныш тарваныше поездыш билетым кок тӱрлӧ тариф почеш налын кертеш. Иктыж дене — пӧртылтымӧ годым тудын билет акшым тӱрыс шӧрен кертме условийым рашемден ончыктымо. А вес тӱрло тариф почеш налме годым тидым ышташ огеш лий. Пассажирын чыла тидым пален билетым налмыжым перевозчик ончылгоч рашемдышаш.
С.Носова.
