27-28 апрельыште Йошкар-Олаште верланыше «Арена Марий Эл» манежыште армийыш каяш ямдылалтше рвезе-влак коклаште черетан кеҥеж спартакиаде иктешлалте. Тушто регионнан тўрлє кундемже рвезе-влак таҥасеныт.
Ты ганат ончыкылык салтак-шамыч гранатым кышкымаште, лўйылтмаште, иймаште, 100 метрыш да 2000 метр кужытым куржталмаште вийыштым тергеныт.
Команде-влак коклаште допризывник-влак коклаште кеҥеж спартакиадыште 1-шым Советский районын, 2-шым Волжский районын, 3-шо верым Медведево районын командышт налыныт. Теле да кеҥеж спартакиадыште икымше Волжский район, кокымшо Советский район, кумшо верыш Марий Турек районын команде-влак лектыныт. Абсолютный чемпион – Советский посёлкысо 3-шо №-ан школышто тунемше Константин Пенкин (тудым В.Леухин ямдылен).
– Рвезе-влак чот тыршеныт, чылан молодец да чылан сеҥыше улыт. Теле, тыгак кеҥеж спартакиадыште икымше верым ик еҥак налше ятыр ий лийын огыл ыле, – ойла тӱҥ судья В.Шабалин. – Яллаште илыше-шамыч эреак ик нелылык дене тӱкнат: иймаш окшакла. Моланжым чылан палат: шот дене ямдылалташ йӧн уке. Чылаштлан пеҥгыде тазалыкым тыланем да тек чылан шке шонымашкышт шуыт.
Тиде спартакиадыште личный зачётышто абсолютный чемпион – Константин Пенкин (советский посёлко). Волжский район гыч Алексей Митяков ший призёр лийын, а кумшо верыште – Марий Турек гыч Кирилл Фадеев.
Марий Эл военный комиссарын полышкалышыже В.Макаров, запасыште улшо генерал-майор А.Самсонов участник-влакым шокшын саламлен, ончыкшымат капкыл дене вияҥаш, уш-акыл дене пойдаралташ, элнан ўшанле эргыже лияш темленыт.
Е.ЭШКИНИНА
