Марий Элыште терроризм ваштареш кучедалаш ямде улмым уэш тергеныт. Тидлан Марий Элысе Оперативный штаб Юрино районышто командно-штабной тунеммашым эртарен.
Ямде сценарий почеш, Юрино поселкышто Козьмодемьянскысе полиций отделенийын зданийже воктеке пуйто пудешталт кертше веществам пыштеныт. Тидлан правам аралыше, кугыжаныш да муниципал орган-влаклан пашам пырля ышташышт кӱлын. Тыге тунеммаш жапыште зданий гыч еҥ-влакым эвакуироватленыт, воктенысе кумдыкым авырен налыныт да веществалан пудешталташыже «эрыкым» пуэн огытыл.
Тунеммашын участникше-шамыч ончылан шындыме задаче-влак тӱрыс шукталтыныт. Марий Элыште Оперативный штабын вуйлатышыже, Россий ФСБ-н Марий Элысе управлений начальникше тунеммашым сайын эртыме семын аклен.
Л.КАМАЛЕТДИНОВА
