Ӱмаште Марий Элын Социальный вияҥмаш министерствыже 150 пенсионерым компьютер грамотлан туныктен, да Россий Пенсий фондын Марий Элысе пӧлкаже тидлан 245 тӱжем утла теҥгем кучылтын.
Ушештарена, пашам ыштыдыме пенсионер-влакым компьютер грамотлан туныктымо социальный программе республикыштына кумшо ий пашам ышта. Тудо илалше еҥ-влаклан тӱрлӧ информаций ресурс да сервис, Интернет, кугыжаныш услуго-влак дене кылым кучаш сай йӧным ышта.
Компьютер грамотлан пӧръеҥ-влакым 60, ӱдырамаш-шамычым 55 ий деч вара туныктат.
М.ИВАНОВА.