Суд пристав-влакын федеральный службыштын Марий Элысе управленийыштыже 22 июльышто принудительный исполнений орган-влакын пашаеҥышт присягым приниматленыт.
Тиде органлашке службыш икымше гана пашаш толшо-влак Россий Федерацийын Кугыжаныш тистыже ончылан сукалтеныт.
Торжественный мероприятий управлений вуйлатыше – Марий Элын тӱҥ суд приставше внутренний службын подполковникше Анатолий Ивановын вуйлатымыж почеш эртен. Погынышо-влаклан тудо присягын моткочак кӱлешан, ойырен налме профессийыштын путырак кугу ответственностьым йодшо улмыж нерген поснак палемден коден.
Л.КАМАЛЕТДИНОВА
