Суд пристав-влак профессионал пайремыштым палемденыт.
Тидлан пӧлеклалтше торжественный погынымаш 1 ноябрьыште Йошкар-Оласе Ленин лӱмеш тӱвыра полатыште эртен. Республик вуйлатыше Александр Евстифеевын лӱмжӧ дене Суд пристав-влакын Федеральный службыштын Марий Элысе управленийжын пашаеҥже ден ветеранже-влакым Марий Элын министрже — республик вуйлатышын полномочный представительже Николай Коротков саламлен.
Пайремыште службын вич пашаеҥжым Марий Эл вуйлатышын Тауштымашыж дене палемденыт.
Марий Эл Республик вуйлатышын организаций да аналитике виктемжын уверже негызеш Л.КАМАЛЕТДИНОВА ямдылен.
