Тений икымше кварталыште Марий Элыште 2673 еҥ шӱм-вӱргорно чер дене черланен.
«Здравоохранений» национальный проектын «Шӱм-вӱргорно чер дене кучедалмаш» регионысо проектшым илышыш пуртымо кышкарыште республикна тиде тӱшкаш логалше пациент-влаклан эмлыме препаратым ситарашлан федеральный субсидийым идалык мучко налын.
Диспансер учётышто шогышо пациент-влакын шӱм-вӱргорно черышт вияҥме да нелемме деч профилактикылан федеральный бюджет гыч 69,9 млн. теҥгем колтымо.
Виян, ты шотыштак шергакан препаратым тӱҥ шотышто Региональный вӱргорно рӱдерыште але районласе рӱдӧ эмлымвер-влакын вӱргорно отделенийлаштышт эмлалтше федеральный льготниклан шотлалтдыме шӱм-вӱргорно черан пациент-влаклан налме.
Кызыт диспансер учётышто 1366 еҥ шотлалтеш.
Программын кышкарыштыже препаратым 1021 льготниклан 5970 рецепт почеш ойырымо. Ик рецептын кокла акше – 700,38 теҥге, ик льготниклан пуымо эмын кокла акше – 4095,29 теҥге.
Тиде программе республикыштына эше кок ий пашам ышта.
М.ИВАНОВА
