ТАЗАЛЫК

Оксамат пуат, илыме верымат ойырат

Марий Элын Тазалыкым аралыме министерствыжын увертарымыж почеш, таче республикысе медицине организацийлашке 12 врач-анестезиолог-реаниматолог кӱлеш.  Специалист 50 тӱжем теҥге марте але тылечат кугу пашадарым налын кертеш. Районлаште «Ялысе доктор» программе почеш ойпидышым ышташ йӧн уло.

Мутлан, У Торъял районысо рӱдӧ больницыште врач-анестезиологын пашадарже 30 тӱжем теҥге деч шагал огыл лийшаш. Шернур районысо рӱдӧ больнице 50 тӱжем теҥге деч шагал огыл тӱлаш сӧра, тыгодымак подъёмный манме выплатым пуа да служебный илыме верым ойыра. Волжск оласе рӱдӧ больницыш эсогыл ныл специалист кӱлеш. Пашадар кӱшнӧ ончыктымо деч изиш шагалрак, но врач-влаклан служебный илыме верым, нунын шочшыштлан йочасадыште верым сӧрат. Рӱдолаште – Йошкар-Оласе, Республикысе йоча клинический да Республикысе клинический больницылаште  –  куд анестезиолог-реаниматолог пашам муын кертеш. Икымшыштыже 40 тӱжем теҥге марте пашадарым, 250 тӱжем теҥге подъёмныйым, служебный илыме верым але пачерым айлаш оксам темлат гын, кокымшыштыжо – 40 тӱжем теҥге марте пашадарым гына, кумшышто 30 тӱжем теҥге марте пашадарым, илыме верым айлымылан ыштыме роскотын ужашыжым пӧртылташ але тӱшкагудышто верым ойыраш сӧрат.   

М.ИВАНОВА

Опубликовать в Одноклассники

Добавить комментарий