Мут – делегатлан
Александр Гайсин, Пошкырт кундем, Янаул район, оналмаш:
— Мыйын шонымаште, марий самырык тукым дене сайынрак пашам ыштыман, мер пашашкат утларак ушаш тыршыман. Мутлан, кажне ийын марий самырык тукымын слётшо эртаралтеш. Тушко меат верла гыч ӱдыр-рвезе-влакым колтена. Но ала-молан дыр нуно слётыш миен толмо дене гына серлагат, шкеныштым регионысо мер пашаште варажым пешыже огыт ончыкто, чолгалыкышт ок шижалт. Слёт гыч кондымо шинчымашышт дене огыт пайдалне да моштымышт нигуштат ок палдырне. Сандене слётышто туныктымо программе пагытыштак тидлан участник-влакым кумылаҥдыман.
Организаторский мастарлыкыштымат, жапын йодмыжымат умылен чолгалыкшытым ылыжтен моштыман. Мутлан, самырык-влаклан таче грант конкурслаште участвоваватлаш да шке тӱҥалме мер пашам тудын кӱшеш ворандараш сай йӧн пуалтеш. Тиде йӧнымат кучылташак туныкташ кӱлеш. А тидлан верласе мер организаций-влакым закон почеш регистрироватлашак тыршыман. Тунам пашаштым ворандараш йӧныштат утларак лектеш.
С.НОСОВА
