Ийготыш шудымо икшыве дене пырля кочывӱдым йӱмылан мут кучаш шогалтат мо?
Е.Самсонова
Йошкар-Ола.
Йодышлан вашмутым Медведево районысо прокурорын алмаштышыжын пашажым жаплан шуктышо А.Долгова вашештен:
— РФ-н Административный правам пудыртымаш нерген кодексше дене келшышын, ийготыш шудымо-влакым аракам але спиртан продукцийым, лӱдыкшым ыштыше у психоактивный, тыгак аҥыртарыше вещества-влакым йӱаш кумылаҥдымылан административный штрафым тӱлаш палемден кертыт. Тудын кугытшо 1500 гыч 3 тӱжем теҥге марте лийын кертеш. Ача-ава але законный представитель-влак тыгаяк осал пашам ыштат гын, 4 — 5 тӱжем теҥге марте штрафым тӱлаш пуэн кертыт.
С.НОСОВА