ЕШ ДА ИКШЫВЕ

Мужыраҥшат, ойырлышат шагал

Маристатын палдарымыж почеш, 2020 ий январь-апрельыште регионыштына ош тӱняшке 2091 аза толын. Эн шуко йоча Йошкар-Ола кундемыште шочын – 825 еҥ, Волжск ола кундемыште – 169, Козьмодемьянск ола кундемыште – 51. Район-влакым ончалаш гын, эн шуко аза – 260 еҥ – Медведево районышто шочын, кокымшо верыште – Звенигово район (124), кумшышто – Морко район (117).
Январь-апрель пагытыште 2706 граждан колен, да калыкын чотшо 615 еҥлан иземын. Колымо амал кокла гыч икымше верыште – вӱр коштмо системын черже (37,7), кокымшышто – онкологий (13,9%), кумшышто – ойган случай, аяргымаш да сусыргымаш (10,3%), нылымшыште – кочкышым шулыктарыше органын черже (7,8%), визымшыште – шӱлымӧ корнын черже (7,4%), кудымшышто – инфекций да паразитан чер (0,8%).
Тений ныл тылзыште 671 мужырым регистрироватлыме, тиде показатель ӱмашсе тыгаяк жап деч 14,8 процентлан шагал. Тыгодымак 587 мужыр ойырлен, 2019 ий тыгаяк жапыште – 774. Тыге, ойырылымо чот 24,2 процентлан иземын.

М.ИВАНОВА

Опубликовать в Одноклассники

Добавить комментарий