2018 ийын тазаҥдыме кеҥеж кампанийжын кокымшо сменыже кая.
Ты гана 24 тӧнеж пашам ышта: ола деч ӧрдыжсӧ 17 стационар лагерь, кечывалым лийме 2 лагерь, палаткыште илыме 3 лагерь да 2 йоча санаторий.
Чыла тӧнеж йочам кандарыме да тазаҥдыме пашам организоватлыме шотышто келшен толшо санитарно-эпидемиологический заключенийым налын.
Чыла лагерьыште резерв электроснабжений уло. Ола деч ӧрдыжсӧ лагерьлаште, йоча санаторийлаште ӱдыр-рвезе-влакым 5 гана пукшат, кечывалым лийме лагерьлаште – 2 гана. Менюшко микро- да макроэлементлан, витаминлан поян шыл, шӧр продуктым, сокым, пакчасаскам, емыж-саскам ситышын пуртымо.
Йоча-влакым кандарыме да тазаҥдыме организацийласе чыла пашаеҥ медосмотрым эртен, гигиене шотышто шинчымашым налын.
Пудий энцефалит да боррелиоз дене черланыме деч чыла тӧнежысе кумдыкышто акарицидный обработкым ыштыме. Верге палан геморрагический йӱштымужо деч дератизацийым эртарыме.
Роспотребнадзор виктем санитарный законодательствын шукталтмыжым тергенак шога. Тылеч посна тазаҥдыме организаций-влакын пашашт шотышто мониторингым эртара.
Тымарте тӱшкан да иктаж инфекций дене черланыме, пудий пурымо случайым регистрироватлыме огыл.
М.ИВАНОВА.
