Тений ты емыжым 8 сентябрь гыч погаш лиеш.
Марий Эл правительствын пунчалже почеш, лач тиде кече палемдалтын. Пӱртӱс поянлык, экологий да йырым-йырысе средам аралыме министерствын данныйже почеш, чодыра законодательствым пудыртымым тергаш манын, республикысе чыла лесничествыште рейд-влак эртаралтыт. Тушко полиций пашаеҥ-влакат пурат. Законым пудыртышо-влакым 500 теҥге марте штраф вуча, да палемдыме срок деч ончыч погымо емыжымат поген налыт.
С.Носова.
