23 февральыште Марий Эл вуйлатыше А.Евстифеев Элым аралышын кечыжлан да Йошкар Армийым ыштымылан 100 ий теммылан пӧлеклалтше митингыште лийын.
Воин Чап монумент воктене республикын правительствыжын, Йошкар-Оласе мэрийын еҥже, ветеран, самырык тукым ден спорт ушемлан еҥже-влак, ракет дивизийын военнослужащийже, кадет-шамыч (700 утла еҥ) чумырген.
Республикнам вуйлатыше чылаштым пайрем дене саламлен да Россий Президентын элнан Вооруженнный вийжын боевой мастарлыкшым кугемдымаште, вияҥдымаште кугу пашам ыштымыже национальный лӱдыкшыдымылык могырым кеч-могай задачым решатлен кертмым палемден. Мучаште Александр Александрович ветеран ден Шочмо элым аралымаште кажне кечын тыршыше военнослужащий-шамычлан кугу таум каласен, пеҥгыде тазалыкым, вуй ӱмбалне тынысле кавам тыланен.
Митингыш мийыше-влакым Йошкар-Оласе да Марий митрополит Иоанн саламлен да ятыр поро тыланымашым каласен.
Тиде кечынак монумент воктене Россий флагын эстафетыже мучашлалтын. Тудым общественный инициативын республикысе толкынын темлымашыж почеш эртареныт. Марий Эл вуйлатыше тиде шонымашым сайлан шотлен. Олимпиаде эртыме жапыште элнан флагше республик мучко савырнен.
А 23 февральыште Российын флагшым знамённый группылан А.Евстифеев ден тӱнямбал спорт мастер Р.Пальцева кучыктеныт. Митинг Воин Чап монумент ден Курымашлык тул воктеке пеледышым пыштымаш дене мучашлалтын.
Л.ШАБДАРОВА ямдылен.
М.Скобелевын фотожо.
