Йошкар-Олаште, Чарла кермльыште, 1 майыште ялозанлык ярмиҥга эртралтеш.
Тушко республикнан тӱрлӧ кундемлаж гыч перерабатыватлыше предприятий, тӱшка да шке озанлык, фермер-влак шке сатуштым ужалаш кондат. Ончычсо семынак шылым, шӧрым, нуным кучылтын, перерабатыватлыме продукцийым, муным, мӱйым, тыгак шындышаш вондерым, кушкылым, кидмастар-шамычын сатуштым ужалаш тӱҥалыт. Ик ойыртем уло: ончычсо семын толшо калыкым художественный самодеятельность коллектив-влак огыт куандаре. Шке сатум ужалаш кондаш палемдыше-влак йодмашым ончылгоч пуышаш улыт.
Палаш: шокшо жап толмылан кӧра ялозанлык ярмиҥга ик жаплан ок эртаралт. Лишыл жапыште тудо 14-15 августышто лиеш да Мӱй спаслан пӧлеклалтеш. Тушто мӱйым да мӱкшын пуымо моло продукцийым ужалаш тӱҥалыт.
В.СМОЛЕНЦЕВ