7 июльышто Килемар район Церкысолаште «Шочмы мӱлӓндӹ» фольклор да этнографий пайрем латкокымшо гана эрта.
Тудо Марий Элын 100 да Килемар районын 80 ияш лӱмгечыштлан пӧлеклалтеш.
Пайрем жапыште йоча да кугыеҥ-влакын усталык коллективышт мастарлыкым ончыктат. Тыгодымак кидмастар-влакын выставкышт, нунын тӱрлым ышташ туныктымо мастер-классышт оҥай лийшаш улыт, тыгак куштымаш, модмо да спортплощадке-влак пашам ышташ тӱҥалыт.
А пайрем деч ик кече ончыч, 6 июльышто, тусо «Раздолье» турист комплексыште Э.Сапаев лӱмеш опер да балет академический театр «Акпатыр» оперым ончыкта. Тудо 19.30 минутлан тӱҥалеш.
А.БАЙКОВА