Россий Президентын указше дене келшышын, Юл кундем федерал округышто Чечнясе кокмышо сар годым колышо 676-ше гвардейский воздушно-десантный дивизийысе 104-ше гвардейский парашютно-десантный полкшын 6-шо ротыжын десантникше-влаклан 15 бюстым шогалтат.
Юл кундемыште шочын кушшо герой-влакын подвигыштым курымешлан шарнымашеш кодаш манын, тиде шонымаш «Деловая Россия» мер организацийын полшымыж дене илышыш пурталтеш. Бюст-влакым вес ийысе 1 март марте ямдылен шуктышаш улыт. Ты кечын десантик-влакын подвигыштым ыштымыштлан 20 ий темеш.
А шукерте огыл тыгай шарныктыш-влакым «Мужество» орденын каварлерже-влак Роман Пискуновлан, Ярослав Ивановлан да Андрей Зайцевлан Угарман кундемысе Балахнинский, Краснобаковский да Дивеевский районлаште почыныт. Тулеч ончыч Татарастан ден Киров областьыште. 2017 ийыште Марий Элыште гвардийын пополковникше Марк Евтюхинлан шогалтыме ыле.
С.НОСОВА
