УВЕР ЙОГЫН

Икымше кандидат пале!

Россий Федерацийын Федеральный Собранийжын VIII созыв Кугыжаныш Думышкыжо «Единый Россий» партий деч кандидат семын кандидатур-влакым ойырен налме шотышто ончылгоч йӱклымаш шотышто Марий Элыште оргкомитет икымше кандидатым регистрироватлен.

Тиде Эдуард Александров лийын.

Тудо – Марий Элын мер-политике рӱдержын директоржо, регион-влак кокласе Марий Мер Каҥаш мер толкынын председательже, Марий Элын Общественный палатыжын председательжын алмаштышыже.

Кандидат-влак деч документым 29 апрель марте налыт. Тидым ончылгоч йӱклымаш шотышто процедурын pg.er.ru официальный сайтше гоч ышташ, тыгак оргкомитетыш паша кечылаште тыгай адрес дене намияш лиеш: Йошкар-Ола, Гагарин проспект, 8-ше №-ан пӧрт, 412-шо пӧлем.

Кӧ сайт гоч регистрироватлалтеш гынат, садак оргкомитетыш документше-влакын оригиналыштым намийышаш.

Ончылгоч йӱклымашын иктешлымашыжым июнь тӱҥалтыште ыштат. Кандидат-влакын тичмаш спискыштым партийын съездыштыже пеҥгыдемдат. Тудо июнь кыдалне лиеш.

Л.КАМАЛЕТДИНОВА

Опубликовать в Одноклассники

Добавить комментарий