УВЕР ЙОГЫН

Иктыштым мӧнгӧ колтат, весыштым эмлаш пыштат

Марий Элын Тазалыкым аралыме министерствыжын увертарымыж почеш, теҥгече, 13 апрельыште, Йошкар-Оласе больнице гыч у коронавирус инфекций деч паремше кок пациентым мӧҥгышкышт колтеныт.
Таче эрдене больницын инфекционный отделенийыштыже 109 еҥ эмлалтын. Нунын кокла гыч 23 пациент неле состоянийыште, 85 еҥын тазалыкшым «нелылыкын кокла йыжыҥже» семын аклат, иктыным – «нелылыкын куштылго йыжыҥже» семын.
Кок черле шодым искусственно вентилироватлыме йӧн дене шӱла, 38 пациентлан кислород кӱлеш.
Йоча республиканский клинический больницыште ныл икшыве кия. Врач-влак нунын состоянийыштым «нелылыкын куштылго йыжыҥже» семын аклат.
Теҥгечак Звенигово районысо рӱдӧ больнице гыч у коронавирус инфекций деч паремше ик пациентым мӧҥгыжӧ колтеныт. Кызыт стационарыште COVID-2019 дене черланен кертыныт манын шонымо куд пациент кия, нунын тазалыкышт «нелылыкын кокла йыжыҥже» семын аклалтеш.
Козьмодемьянск межрайонный больницын инфекционный отделенийыштыже коронавирус дене авалталтын кертыныт манын шонымо вич пациент кия, кажныжын состоянийже «нелылыкын кокла йыжыҥже» семын аклалтеш.
Волжск оласе рӱдӧ больницын инфекционный отделенийышкыже коронавирус дене черланен кертше кок пациентым пыштыме, нунын состоянийышт «нелылыкын кокла йыжыҥыштыже».
Медведево районысо рӱдӧ больницын коронавирусан пациент-влаклан хирургический да акушерско-гинекологический профилян медицине полышым пуымо отделенийыштыже кок пациент эмлалтеш. Ӱдырамаш-влакын тазалыкышт «нелылыкын кокла йыжыҥже» семын аклалтеш.

М.ИВАНОВА

Опубликовать в Одноклассники

Добавить комментарий