10 октябрьыште «Полупроводник прибор завод» акционер обществыште донор акций кокымшо гана эртен. Вӱрым налме республикысе станцийын куснылшо пунктшо кажне донорым кумылын вашлийын. Ты гана 55 еҥ вӱрым пуаш кумылаҥын, нунын коклаште почётан донорат, суапле ошкылым икымше гана ыштышат лийыныт.
Заводын пашаеҥже-влак тыгак гемотрансмиссивный инфекцийлан яра тергалтын кертыныт, молан манаш гын верлашке лектын коштшо бригаде дене пырля СПИД да инфекциян чер ваштареш кучедалме, профилактикым эртарыме республикысе рӱдерын специалистше-шамычат пашам ыштеныт.
Заводын пашаеҥже-влак деч налме 26 литр вӱр дене черле-влаклан кӱлшӧ тӱрлӧ компонентым ямдылаш палемдыме.
М.ИВАНОВА.
