Кадр йодыш
Врач-влак кӱлыт
Марий Эл Республикын Тазалыкым аралыме министерствыже «лечебное дело», «стоматологий» да «йоча стоматологий» специальность дене кӱшыл шинчымашым але сертификатым налше вузын выпускникше ден врач-специалист-влакым пашашке ӱжеш.
Регионысо эмлымверлашке участкысе терапевт ден стоматолог, тыгак йоча стоматолог-влак кӱлыт. Мутлан, участкысе терапевт-шамыч Звенигово, Морко да Шернур районласе рӱдӧ, Йошкар-Оласе да Козьмодемьянскысе район-влак кокласе эмлымверлашке кӱлыт.
Стоматолог ден йоча стоматолог-влакым Звенигово, Кужэҥер, Марий Турек, Шернур да Советский районласе рӱдӧ эмлымвераште вучат. Нине специалист-шамычлан рӱдоласе стоматологий да йоча стоматологий поликлиникылаштат вер уло.
Врач-влаклан тылзе еда компенсацийым тӱлаш палемдыме.
М.ИВАНОВА.
