У Торъял районысо централизоватлыме клуб системе пашаеҥ-влак «Мыйын коллекцием» онлайн фестиваль-конкурсым – коллекций-влак ончерым увертареныт.
Тудо 26 январь марте шуйна. Конкурсыш кеч-могай ийготан еҥ ушнен кертеш. Кумылан-влак шке книга, марке, окса, значок, открытке, тисте, сувенир, этикетке, магнит, модыш да моло ойыртемалтше ӱзгар ден арвер-влак коллекцийыштын 5-10 фотом але слайд-шоум, презентацийым да нунын нерген каласкалымым колтен кертыт.
Паша-влакым аклыме годым жюри коллекцийын содержанийжым, тудын конкурсын темыжлан, участникын ийготшылан келшен толмым, кузе оформитлымым шотыш налеш.
Л.Камалетдинова
