Загс орган-влакын данныйышт почеш, 2018 ий 1 январь гыч Марий Элыште икымше 618 йоча шочын.
Икымше шочшылан тылзе еда тӱлыман пособийлан йодмашым тымарте 232 еҥ пуэн. Кызыт тудым 103 гражданин налеш. Эше 103 еҥлан выплатым апрельыштак тӱлаш палемдыме. Моло документым тергат, нунын шотыштат келшыше пунчалым жапыштыже луктыт да выплатым тӱлаш тӱҥалыт веле.
Тений I кварталыште икымше йочан граждан-шамычлан 2321,3 тӱжем теҥге кугыт тылзе еда тӱлыман пособийым ойырымо.
Ушештарена, 2018 ийыште Марий Элыште икымше йочалан тылзе еда тӱлыман выплатын кугытшо – 9645 теҥге. Тудо ешысе ик еҥлан шотлымаште илен лекташ лийме 15070,5 теҥге ситыдыме годым ойыралтеш.
М.ИВАНОВА.
